कूदि-कूदि फुआ गीत गावेली
शुभ-शुभ मनावेली
बाबू के खेलावेली हो।
हे माई
नन्द के घरवा आनंद
सोहरिया सुनावेली हो।
दुअरा पs नाचेला पँवारिया
झुमेला नगरिया
अँगनवा उठे सोहर हो
हे माई
नन्द के घरवा आनंद
सोहरिया सुनावेली हो।
अँखिया तs हउवे जइसे बाबूजी के
नकिया हs माई के
मुँहवा कन्हाई के हो
हे माई
चान-सुरुज के जोतिया
गोदिया खेलावेली हो।
जुग-जुग जीअस ललनवा
अँगना-भवनवा
गंवुआ जहनवा हो
हे माई
हहरत हियरा हुलसेला
नजरिया उतारेली हो।
**
केशव मोहन पाण्डेय
कोई टिप्पणी नहीं:
एक टिप्पणी भेजें