आ कुछ अउरिओ करे के चाहीं। जइसे -
- धनिया के पानी में भिगोके राखीं आ फेर ओकरा के बढियाँ से मसल के अउरी छान के ओहमे तनी सा चीनी मिला के पी लीं।
- गरमी में आम के पन्ना पीये के चाहीं। माने काँच आम के रस बना के पिआला पर लू छू मंतर हो जाई।
- इमली के बिआ के पीसके ओकरा के पानी में घोर के कपड़ा से छान लीं आ तब ओह पानी में शक्कर मिलाके पीं।
- बाहर निकले से पहिले हमेशा अपने साथ पानी के बोतल राखीं आ तनी-तनी देर पर पिअत रहीं। सथवे गरमी में घर से निकले से पाहिले कुछ खा-पी लेबे के चाहीं।
- घाम में कम से कम निकले के कोशिश करीं आ अगर निकलल जरूरी बा त छाता ले के चलीं।
- घाम में निकले से पहिले देह-ढकुआ कपड़ा पहिनी। ओहू में संभव होखे त उज्जर चाहें कवनो हलुक रंग के कपड़ा पहिनी।
- काँच पियाजो लू से बचावे में मददगार होला। रउरा खाये के बेरा काँच पियाज के सलाद बनाके खायीं।
- गर्मी के मौसम में शरीर में पानी के कमी ना होखे से तरबूज, ककड़ी, खीरा खूब खाये के चाहीं। एकरा बादो फल के जूसो लेबे के चाहीं।
- पानी में ग्लूकोज मिलाके पिअत रहे के चाहीं। एह से रउरा शरीर के उर्जा मिलत रही आ रउरा थकान कम लागी।
- लू से बचे खातिर बेल चाहे नींबू के रस पिअल देहिं में पानी के कमी के पूरा करेला।
तनी ध्यान दीं आ मस्त रहीं। तनिका ध्यान दिहला से रउआ गरमियों में ठंडी के एहसास होई।
-----------
कोई टिप्पणी नहीं:
एक टिप्पणी भेजें