देखीं, सर्दी जुकाम जइसन बेमारी से राहत पावे खातिर जदी रउरा तुलसी के पत्ता, अदरक, गुड, काली मिर्च वगैरह मिला के काढ़ा बना लीं आ सेवन करत रहीं, त जाड़ा के मार कबो ना पड़ी। हमेशा रउरा टनाटन राहेब।
तुलसी पत्ता तुरि के कुछ मिला लीं गुड़
अदरक काली मिर्च मिलाई ओहमे जरूर
खौलाई कुछ देर आ डालीं लौंग तनी घी
सुबह-शाम तनी चाव से आँख मुन के पी
शरद-गरम के चक्कर से रउरा बच जाएब
कान पर अँगुरी दे के बइठल बिरहा गाएब।
मौसम वाला बेमारी के काढ़ा सरल उपाय
अपने इगुवारे-पिछवारे सगरो चीज मिला जाय।
------
